Այսօր ԱԺ-ում կառավարության հետ հարցուպատասխանի ընթացքում ասաց ՀԱԿ խմբակցույան ղեկավար Լևոն Զուրաբյանը անդրադարձավ գյուղատնտեսական վարկերին. Նրա խոսքով՝ Հայաստանի 90 տոկոս գյուղերում գյուղացիները կքած են վարկերի բեռի տակ:
«Մեզ դիմել են Արմավիր, Արևիկ, Օշական, Ոսկեվազ գյուղերից, բայց մյուս գյուղերում էլ նույն վիճակն է: Մարդիկ գյուղատնտեսական վարկեր են վերցնում՝ շատ բարձր՝ 24 տոկոս տոկոսադրույքով, դրանց տակից չեն կարողանում դուրս գալ, գրավադրում են տները, իսկ եթե եղանակը բարենպաստ չի լինում, ավելի է վատթարանում վիճակը: Մարդիկ հայտնվել են բանկերի, ԴԱՀԿ-երի, դատարանների ճնշման տակ»,- նշեց Լ. Զուրաբյանը:
Զուրաբյանը նշեց, որ մի խումբ գյուղացիներ խնդրով դիմել են վարչապետին և ստացել հետևյալ պատասխանը՝ բանկերը հանդիսանում են մասնավոր ընկերություններ, որոնց գործունեությանը կառավարությունը միջամտելու իրավասություն չունի: Թայլանդի կամ Զիմբաբվեի կառավարությանը չէին դիմել այս մարդիկ, այլ Հայաստանի: Մի՞թե հնարավոր չէր մի քննարկում կազմակերպել, փորձել լուծում գտնել»,- հարցրեց Զուրաբյանը:
Պատգամավորին պատասխանեց գյուղատնտեսության նախարար Իգնատի Առաքելյանը. «Ճիշտ եք, այդ խնդիրը կա: Այդ հարցը դրված է քննարկման…»:
Մանրամասները՝ տեսանյութում: