Այսօր տեղի է ունեցել ԲՀԿ քաղաքական խորհրդի ընդլայնված նիստը, որտեղ քննարկվել է նաև ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը:
Հիշեցնենք՝ ԲՀԿ քաղքական խորհուրդը ընդունել հայտարարություն, որում մասնավորապես նշված է. «Հաշվի առնելով, որ Ծառուկյանի ակտիվ քաղաքականությունից հեռանալով որևէ այլ գործիչ և քաղաքական ուժ ի զորու չեղավ լուծելու այդքան անհրաժեշտ հասարակական-քաղաքական համախմբման խնդիրը, ԲՀԿ քաղաքական խորհուրդը, մեր տասնյակ հազարավոր քաղաքացիների անունից, դիմում է ԲՀԿ հիմնադիր նախագահ Գագիկ Ծառուկյանին՝ քննարկելու ակտիվ քաղաքականություն վերադառնալու և մեծ համախմբմամբ, միասնական ջանքով ու ժողովրդի աջակցությամբ մեր երկրի առջև ծառացած խնդիրները լուծելու հարցը»։
ԲՀԿ խմբացության քարտուղար Վահե Էնֆիաջյանի հավաստմամբ՝ խորհրդի նիստից հետո ինքնաբուխ հավաք տեղի ունեցավ Գ. Ծառուկյանի առանձնատան մոտ, որի մասնակիցները, այդ թվում նաև Վ. Էնֆիաջյանը, Գ. Ծառուկյանի վերադարձի պահանջի վերաբերյալ նամակ հանձնեցին անձամբ Գագիկ Ծառուկյանին:
Վ. Էնֆիաջյանի փախանցմամբ՝ Գագիկ Ծառուկյանը խոստացել է առաջիկայում հրապարակավ հանդես գալ:
Մանրամասները՝ տեսանյութում: