«Հարկային օրենսգօիրքը ձևավորվեց անկախ այն բանից, որ ձևավորվեց նոր կառավարություն և անկախ նրանից, որ արդեն կար 2017թ պետական բյուջեն: Այս երեք փաստաթղթերը՝ Կառավարության ծրագիրը, բյուջեի նախագիծը և Հարկային օրենսգիրքը տրամաբանորեն իրար շարունակություն չկազմեցին, որոշ դեպքերում անգամ հակոտնյա էին: այս մասին «Առաջին լրատվական»- ի հետ զրույցում ասաց Տնտեսական իրավունքի կենտրոն ՀԿ նախագահ Մովսես Արիստակեսյանը:
Կառավարության ծրագիրն ընդունելիս վարչապետն ասաց, որ իր կառավարության քաղքականության գերագույն արժեք ՀՀ քաղաքացին է և իր կառավարության ծրագրով պետք է ապահովվի րա պաշտպանվածությունը, արժանապատվությունը, կենսամակարդակի բարձրացումը, արդար հասարակության մեջ ապրելը և լավատեսությունն ապագայի նկատմամբ,- նշեց տնտեսագետը և ընդգծեց, որ այս դիտանկյունից՝ Հարկային օրենսգիրքը հակասում է կառավարության ծրագրի նպատակներին:
Մ. Արիստակեսյանի հավաստմամբ՝ Ազգային ժողով ներկայացված Հարկային օրենսգրքի տարբերակը բոլորովին տարբերվում էր այն տարբերակից, որը քննարկումների բովով էր անցել քաղհասարակության և գործարարների ներկայությամբ, բովանդակային, նաև հարկերի և դրույքաչափերի տարբերություն կար: Նրա խոսքով՝ Հարկային օրենսգիրքը ընդունվեց հապշտապ:
Մանրամասները՝ տեսանյութում:
