ՀՀ արտակարգ իրավիճակների նախարարություն նոյեմբերի 29-ին, ժամը 19.37-ին ահազանգ է ստացվել, որ Գեղարքունիքի մարզի Մարտունի քաղաքում տեղի է ունեցել ՃՏՊ։
Արտակարգ իրավիճակների նախարարության կայքը հայտնում է, որ անհրաժեշտ է եղել փրկարարների օգնությունը. դեպքի վայր է մեկնել մեկ մարտական հաշվարկ:
shamshyan.com կայքը նշում է, որ ժամը 20:00-ի սահմաններում Մարտունի-Վարդենիս ավտոճանապարհի 4-րդ կմ հատվածում՝ Ծովինար գյուղի վարչական տարածքում, բախվել են ВАЗ 2107 մակնիշի 34 ՍV 634 համարանիշի և ВАЗ 2109 մակնիշի 34 ՍN 366 համարանիշի ավտոմեքենաները:
Վթարի հետևանքով ավտոմեքենաներից մեկի ուղևոր Կ. Զ.-ն տեղում մահացել է, իսկ ևս 3 հոգի՝ Ն. Մ.-ն, Ա. Գ.-ն ու Հ. Գ.-ն մարմնական վնասվածքներով տեղափոխվել են Մարտունու բժշկական կենտրոն: