Ամերիկյան Forbes պարբերականը ներկայացրել է 30 տարին չբոլորած ամենաշատ վարձատրվող հանրաճանաչ անձանց վարկանիշային աղյուսակը։
Առաջին հորիզոնականում 26-ամյա ամերիկացի դերասանուհի Թեյլոր Սվիֆթն է, ով 2016 թվականին վաստակել է 170 միլիոն դոլար։
Երկրորդ տեղում One Direction խմբի մասնակիցներն են, որոնք վաստակել են 110 միլիոն դոլար։.jpg)
Երրորդ տեղում 29-ամյա ֆուտբոլիստ, «Բարսելոն»-ի ռմբարկու Լիոնել Մեսին է՝ 81.5 միլիոն դոլար։
Առաջատար տասնյակում ընդգրկվել են 28-ամյա բրիտանացի երգչուհի Ադելը՝ 80.5 միլիոն դոլար, և 28-ամյա Ռիհաննան՝ 75 միլիոն դոլար։ Ապա գալիս են 22-ամյա Ջասթին Բիբերը, 29-ամյա սերբ թենիսիստ Նովակ Ջոկովիչը և բասկետբոլիստ Քևին Դյուրանտը՝ մոտ 56-ական միլիոն դոլար։
Տասնյակը եզրափակում են 26-ամյա երգիչ The Weekend-ը՝ 55 միլիոն դոլար, 27-ամյա ամերիկյան ֆուտբոլի խաղացող Քեմ Նյուտոնը և գոլֆիստ Ջորդան Սպիտը՝ 53-ական միլիոն դոլար։
