Չափից դուրս ինքնավստահություն․ ահա, թե ինչու Հիլարի Քլինթոնը չկարողացավ հաղթել Դոնալդ Թրամփին ԱՄՆ նախագահական ընտրություններում՝ գրում է ամերիկյան Politico ամսագիրը՝ փորձելով ներկայացնել դեմոկրատ թեկնածուի անսպասելի պարտության պատճառը։
Քլինթոնի պարտության պատճառները դեռ շատ տարիներ կքննարկվեն, սակայն ամենաակնհայտն այն է, որ նա չափից ավելի ինքնավստահ է։ Քլինթոնի պարագայում գործ ունենք քրոնիկ ինքնավստահության հետ՝ գրում է հոդվածի հեղինակ Թոդ Ս. Պուրդումը։
Հոդվածագրի կարծիքով՝ Քլինթոնը Թրամփի հետ նախընտրական քարոզարշավի ժամանակ գործց այն նույն սխալները, ինչ 8 տարի առաջ, երբ նրա մրցակիցն էր Բարաք Օբաման։ Վստահ լինելով, որ Օբաման իրեն մրցակից չէ, Քլինթոնը որոշեց, որ կարելի է «չլարվել», ինչի արդյունքում դուրս մնաց նախագահական մրցապայքարից, իսկ Օբաման արդյունքում դարձավ նախագահ:
Պուրդումը կարծում է, որ Թրամփի դեպքում նա նույն կերպ գործեց․ փրայմերիզում հաղթանակ տանելուց հետո Քլինթոնը հրաժարվեց այնպիսի նահանգներ այցելություններից, որոնց սովորաբար քվեարկում են դեմոկրատների օգտին։ Այդ նահանգների թվում են Վիսկոնսին և Միչիգանը։ Բացի այդ, Քլինթոնը ծաղրեց Թրամփի այն խոսքերը, թե հանրապետականների թեկնածուն կարող է «ձևափոխել ընտրողների քարտեզը»: Արդյունքում որոշ դեմոկրատամետ նահանգներ ընտրեցին հանրապետականներին, ինչի արդյունքում Քլինթոնը պարտություն կրեց։
Քլինթոնն անտեսեց նաև այն նշանները, որ պետք է տեսներ Բենի Սանդերսի հետ փրայմերիզից հետ։ Դեռ այդ ժամանակ պարզ դարձավ, որ նույնիսկ Դեմոկրտական կուսակցության ներսում Քլինթոնին ոչ բոլորն են սիրում՝ նշում է հոդվածագիրը։