«Հազարամյակներ շարունակ մեր Հայաստան աշխարհը գրավիչ է եղել տարբեր ժողովուրդների համար,- այս մասին նշեց «Welcome to Armenia» համաժողովին հրավիրված Մայր աթոռի թանգարանների և արխիվների տնօրեն տեր Ասողիկ քահանա Կարապետյանը:
Նա կարևորեց Հայաստանում կրոնական տուրիզմի զարգացումը: «Հայկական եկեղեցին բաց է բոլոր տուրիստական ընկերությունների հետ համագործակցելու և կրոնական տուրիզմը զարգացնելու նպատակով նրանց առաջարկները լսելու համար: Զբոսաշրջիկին միայն վանքերի քարը, փայտը, ծառը չպետք է ցույց չտրվի, այլ նաև պետք է վանքերը բովանդակությամբ լցնել, որպեսզի զբոսաշրջիկի համար Հայաստան այցելությունը գեղեցիկ քարեր ու շենքեր տեսնելուց զատ, ունենա նաև հոգեկան անդրադարձ», – նշեց Ասողիկ քահանան:
Լուսանկարը` PAN Photo-ի
