Ադրբեջանական Trend լրատվական գործակալության փոխանցմամբ՝ Ադրբեջանի նախագահ Իլհամ Ալիևի հրամանով Թուրքիայում է գտնվում նրա հասարակական-քաղաքական հարցերով օգնական Ալի Հասանովը։
Հասանովն իր թուրքական այցի շրջանակներում հանդիպել է Թուրքիայի արտգործնախարար Մևլյութ Չավուշօղլուի հետ։ Հանդիպման ժամանակ կողմերը քննարկել են մի շարք հարցեր, այդ թվում՝ հասարակական-քաղաքական ոլորտում Թուրքիայի ու Ադրբեջանի միջև հարաբերությունները։
Կողմերի ուշադրության կենտրոնում են գտնվել թուրքական ու ադրբեջանական սփյուռքի համատեղ գործունեության կազմակերպման ոլորտում նոր ռազմավարության ներդրումը։
Քննարկվել են նաև կապերի զարգացման հեռանկարները, ինչպես նաև թուրք-ադրբեջանական ռազմավարական գործընկերությունը նոր մակարդակի հասցնելու հարցը, ինչպես նաև փոխադարձ հետաքրքրության կենտրոնում ընկած հարցեր։