Թուրքիայում իշխող «Արդարություն և զարգացում» կուսակցությունն ավարտել է աշխատանքը նոր սահմանադրության նախագծի և պետական կառուցվածքի բարեփոխման վրա, որը նախատեսում է խորհրդարանական հանրապետության վերաձևավորում կառավարման նախագահական ձևի։ Այս մասին հայտարարել է վարչապետ և կուսակցության առաջնորդ Բինալի Յըլդըրըմը կուսակցական ղեկավարության երկօրյա հանդիպումից հետո։ Այս մասին փոխանցում է TASS գործակալությունը։
«Մոտ ժամանակներս համապատասխան օրենսդրական նախաձեռնությունը կուղարկվի խորհրդարան»,-ասել է նա։
Թուրքիայի պաշտոնատար անձիք ավելի վաղ հայտնել էին, որ նոր սահմանադրության ընդունման հարցով հանրաքվեն կարող է կայանալ 2017 թվականի գարնանը։
Հիմնական օրենքի ընդունման համար անհրաժեշտ է սահմանադրական մեծամասնություն կամ Թուրքիայի 550 տեղանոց խորհրդարանում 367 ձայն։ Իշխող կուսակցությունը խորհրդարանում 317 մանդատ ունի։ Եթե օրինագիծը հավաքի ավելի քան 330 ձայն, սակայն քիչ 367-ից, ապա սահամանդրության ընդունումը կորոշվի հանրաքվեով։