ԱՄՆ նախագահի հանրապետական թեկնածու Դոնալդ Թրամփը երկրի ղեկավարի ընտրություններից հետո մտադիր է դատի տալ կանանց, որոնք վերջին շաբաթներին իրեն մեղադրել են սեռական ոտնձգությունների համար: Daily Mail-ի հաղորդմամբ՝ այս մասին նա հայտարարել է շաբաթ օրը Փենսիլվանիա նահանգում ելույթի ժամանակ:
«Իմ արշավին վնասելու համար ելույթ ունեցած բոլոր կանայք, ստել են»,- ասել է Թրամփը:- Դա ամբողջովին շինծու է, ոչ մի նման բան երբեք չի եղել: Բոլորի դեմ, ովքեր այդ հարցում ստել են, ընտրություններից հետո դատական հայցեր կներկայացվեն»,- ասել է միլիարդատերը:
Թրամփը ենթադրություն է հայտնել, որ նշված կանայք փող են ստանում Դեմոկրատական կուսակցությունից: «Բայց մենք, հավանաբար, դա ավելի ուշ կիմանանք դատավարության արդյունքներով, որին մենք այնքան սպասում ենք»,- ասել է Թրամփը: Նրա խոսքով՝ առաջատար ԶԼՄ-ները այդ թեմայով նյութեր հրապարակելիս ինչպես հարկն է՝ չեն ստուգում տեղեկությունը:
Վերջին շաբաթներին արդեն 10 կանայք Թրամփին մեղադրել են ոտնձգությունների համար:
Թրամփը հերքում է մեղադրանքները: