Ռուսական TASS լրատվական գործակալության փոխանցմամբ՝ ավելի քան 1200 զինյալ տանկերի ու զրահամեքենաների աջակցությամբ պատրաստվում են հարձակում գործել Սիրիայի Հալեպ քաղաքի վրա։
Այդ մասին այսօր հայտարարել է Ռուսաստանի զինված ուժերի Գլխավոր շտաբի գլխավոր օպերատիվ վարչության պետ Սերգեյ Ռուդսկոյը։ Նրա խոսքերով՝ Հալեպը գրոհել պատրաստվող զինյալներից 30-ը մահապարտ ահաբեկիչներ են.
«Նրանց սպառազինության մեջ կան տանկեր, զրահամեքենաներ ու ավելի քան 20 պիկապներ՝ խոշոր տրամաչափի գնդացիրներով։ Զինյալները ստացել են նաև շարժական զենիթահրթիռային համալիրների խմբաքանակ»։
Ռուդսկոյը Հալեպի շրջանում իրավիճակի կարգավորված չլինելու պատասխանատվությունը դրել է չափավոր ընդդիմության ու ԱՄՆ-ի վրա։