Gazeta.ru-ի փոխանցմամբ՝ Սպիտակ տան ներկայացուցիչ Ջոշ Ըրնեսթը լրագրողների հետ զրույցում հայտարարել է, որ ԱՄՆ-ը չի բացառում Սիրիայի դեպքերի կապակցությամբ Ռուսաստանի դեմ պատժամիջոցներ սահմանելու հնարավորությունը.
«ԱՄՆ-ը շարունակում է քննարկել նոր պատժամիջոցներ սահմանելու հնարավորությունը։ Մենք հրապարակավ քննարկում ենք այդ հարցը և կարծում ենք, որ Ռուսաստանը Սիրիայում ունի զգալի խնդիրներ»։
Նա ընդգծել է, որ արդյունավետ է համարում ֆինանսական պատժամիջոցները, եթե դրանք համակարգվում են դաշնակիցների գործողությունների հետ։
Դրա հետ մեկտեղ Ըրնեսթը չի ներկայացրել հնարավոր պատժամիջոցների մանրամասները։ Ավելի վաղ Ռուսաստանի նախագահի մամլո քարտուղար Դմիտրի Պեսկովը հայտարարել էր, որ Ռուսաստանի դեմ հնարավոր նոր պատժամիջոցների սահմանումը վնաս կհասցնի Եվրոպայի երկրների հետ հարաբերություններին և չի նպաստի քննարկվող խնդիրների լուծմանը։
