Ռուսաստանի արտգործնախարար Սերգեյ Լավրովը շաբաթ օրը հեռախոսազրույց է ունեցել ԱՄՆ պետքարտուղար Ջոն Քերիի հետ: Զրուցակիցները շարունակել են Սիրիայի իրավիճակի դիտարկումը, այդ թվում՝ Հալեպի շուրջ իրավիճակի հնարավոր կարգավորումը: Այդ մասին ասված է VK սոցցանցում ՌԴ ԱԳՆ պաշտոնական էջում:
«Արտգործանախարարները շարունակել են դիտարկել Սիրիայի իրավիճակը, այդ թվում՝ Հալեպի շուրջ իրադրության կարգավորումը, որտեղ անօրինական զինված խմբավորումները հակառակ հակամարտող կողմերի հրադադարի մասին ռուս-ամերիկյան պայմանավորվածություններին, շարունակում են ռազմական գործողությունները: Ընդ որում, սիրիական «չափավոր ընդդիմության» շատ ջոկատներ հրաժարվում են զանազանվել «Ջեբհաթ ան-Նուսրա»-ի ահաբեկիչներից, որոնց վրա հրադադարը չի տարածվում»,- ասված է հաղորդագրության մեջ: