Այսօր զինյալ ահաբեկչական խմբերը հրթիռակոծել են Հալեպի Նոր Գյուղի և Վիլլաներ թաղամասերը: Սուրբ Աստվածածին եկեղեցու մոտակայքում ընկած հրթիռի հետևանքով զոհվել է չորս հայ, 8-ը վիրավորվել են:
ՍԴՀԿ Հայաստանի վարչության փոխատենապետ Վազգեն Մեսրոպյանը «Առաջին լրատվական»-ի հետ զրույցում նշեց, որ ահաբեկիչները հավանաբար սկսել են հրթիռակոծել հայաշատ թաղամասերը, քանի որ սիրիական բանակը արդեն ներխուժել է այն վայրը, որտեղ գտնվում են ահաբեկիչները:
«Մեզ համար այսօր ցավալի օր է, ճիշտ է՝ շտապօգնությունը հասել է, բոլորին տեղափոխել են հիվանդանոց, վիրավոր հայերից մեկը ծանր վիճակում է»:
Սիրահայերը օգնություն են աղերսում: «Սիրիահայերի ֆեյսբուքյան էջերը որ բացեք, բոլորն էլ գրում են՝ ալ կբավե, չենք դիմանում, մեզի օգնության հասեք»,-ընդգծեց Վ. Մեսրոպյանը:
«Հայաստանի Հանարպետությունը օգնություն ցույց չտվեց: Այո՛, պետք օգնության հասնեին, չգիտեմ ինչ-ինչ պատճառներով, երևի Հայաստանը զբաղված է իր ներքաղաքական խնդիրներով, Կառավարության կազմավորմամբ: Ես սրանից առաջ էլ ասել եմ և հիմա էլ եմ ասում՝ արդյո՞ք Հայաստանի Հանրապետությունը ունի արտաքին գործերի նախարար, թե՞ ոչ: Ես ուղղակի զարմանում եմ. գոնե մեկ օր արտգործնախարարը ելնի և մի բան արտահայտվի Սիրիայի մասով, ցավոք սրտի չենք լսել և երևի չենք էլ լսի: Միակ անդրադարձողը Սփյուռքի նախարարությունն է, այն էլ՝ ցավակցություն է հայտնել ,- մտահոգությունն արտահայտեց ՄՍԴԿ Հայաստանի վարչության փոխատենապետը և հավելեց, որ պետք է Կառավարությունն անիջապես լուծում գտնի այս հարցին: «Միայն Սփյուռքի նախարարության միջոցով չենք կարող հալեպահայերին տեղափոխել այստեղ, եթե Կառավարության որոշումը չլինի:
Մանրամասները՝ տեսանյութում: