Թուրքական T24 առցանց թերթի փոխանցմամբ՝ պաշտոնական տվյալներով Առաջին համաշխարհային պատերազմի ժամանակ Ռուսաստանին գերի է ընկել 65.000 թուրք զինվորական:
Նրանց մեծ մասը գերի է ընկել Սարիղամիշի ճակատամարտում, ինչից հետո նրանց մի մասին տեղափոխել են Թուրքիայից մոտ 9700 կիլոմետր հեռավորության վրա, ուր և նրանք կնքել են իրենց մահկանացուն:
Խոսքը Վլադիվոստոկ քաղաքի մոտակայքում գտնվող Շկոտովո գյուղաքաղաքի մասին է, ուր վերանորոգումից հետո բացվել է զոհված գերիների հիշատակին նվիրված հուշարձանը:
Ընդգծվում է, որ տվյալ տարածքում իրենց մահկանացուն կնքել են ոչ միայն թուրք, այլև ավստրիացի, հունգարացի ու գերմանացի գերիները: Հուշարձանի բացման արարողակարգին ներկա է գտնվել Մոսկվայում Թուրքիայի դեսպան Ումիթ Յարդըմը:
