Իրանական ISNA լրատվական գործակալության փոխանցմամբ՝ Իրանն ու Իտալիան համատեղ զորավարժություններ են անցկացրել Պարսից ծոցի շրջանում: Այս մասին հայտնել է Իրանի ռազմածովային հրամանատարությունը:
Իրանցի ծովակալ, տարածաշրջանային ուժերի հրամանատար Ամիր Հոսեին Ազադը հայտարարել է. «Այդ համատեղ զորավարժությունների ժամանակ «Ալվանդ» ու «Ալբորզ» ֆրեգատները, ինչպես նաև Իրանի ռազմածովային ուժերի ուղղաթիռն ու իտալական Euro ֆրեգատը՝ ուղղաթիռով, Հորմուզգյան նահանգի ջրերում ու Պարսից ծոցում իրականացրել են հետախուզական, թռիչքային ու որսալու վարժանքներ:
Զորավարժություններն անցկացվել են երկրի պաշտպանունակության մակարդակի բարձրացման, երկու երկրների զինվորականների միջև փորձի փոխանակման նպատակով:
Իտալիան ՆԱՏՕ-ի անդամ է և զարմացել է համատեղ զորավարժություններ անցկացնելու Իրանի ունակություններով: Զորավարժություններն ինքնին ուղերձ են աշխարհին, որ Իրանը խաղաղասեր ու բարեկամասեր երկիր է, որը միաժամանակ օժտված է պաշտպանական մեծ հնարավորություններով»: