Գյումրիում ՏԻՄ ընտրություններին հաշված օրեր են մնացել, շարունակվում է նախընտրական քարոզարշավը: «Տեղի ունեցած ողբերգական դեպքից հետո ստիպված էինք մեր քարոզչական մարտավարությունում փոփոխություն կատարել: Իհարկե լավ կլիներ, եթե մեզ հետ լիներ ԲՀԿ քաղաքապետի թեկնածու Վարդևան Գրիգոյանը: Ամեն օր քարոզարշվից հետո մենք նրա հետ քննարկում ենք մեր աշխատանքները, հաջորդ օրվա անելիքները: Քարոզարշավը շարունակվում է, ամեն օր մենք 10-11 հանդիպում ենք ունենում, բոլոր թաղերում լինելու ենք: Նախորդ օրերին հանդիպում է եղել օլիմպիական չեմպիոնների, գործարար խավի, բժիշկների հետ, աշխատում ենք բոլոր խավերի հետ հանդիպել»,- «Առաջին լրատվական»- ի հետ զրույցում այս մասին ասաց ԲՀԿ խմբակցության ղեկավար Նաիրա Զոհրաբյանը:
«Մեզ համար, ի տարբերություն շատ քաղաքական ուժերի, ընտրություները սպարտակիադա չեն: Մեր նշաձողը հաղթանակն է: Մենք երբեք չենք առաջադրվել երկրորդը լինելու համար: Վ. Գրիգորյանը հաղթելու բոլոր շանսերն ունի: Գյումրեցին այս տարիների ընթացքում ցույց է տվել, որ իրեն ո՛չ կաշառել է հնարավոր, ո՛չ ահաբեկել»,- ընդգծեց ԲՀԿ կուսակցության ղեկավարը:
Մանրամասները՝ տեսանյութում: