Օգոստոսի 29-ին Կենտրոնական ընտրական հանձնաժողովը արtահերթ նիստ գումարեց և չեղյալ հայտարարեց հունիսի 30-ին ԱԺ-ի կողմից ընդունված Ընտրական օրենսգրքի փոփոխությունների օրինագիծը, որն ստեղծվել էր 4+4+4 ձևաչափով քննարկուների արդյունքում:
Անդրադառնալով «Առաջին լրատվական»-ի հարցին, թե ինչ մեխանիզմներ են մշակվում և արդյոք հնարավոր է նոր բանակցություններ սկսվեն, ՀՀ Կառավարության աշխատակազմի ղեկավար-նախարար Դավիթ Հարությունյանը պատասխանեց, որ բացառված չէ բանակցությունների նոր փուլ մտնելը. «Հույս ունեմ, որ մեզ նորից կհաջողվի նստել բանակցությունների սեղանի շուրջ և հանգել որոշակի եզրակացությունների»:
«Միակ ընկերությունը, որ իրավասու էր փոփոխություններ կատարել անհրաժեշտ տեխնիկական համակարգում, հայտարարեց, որ տեխնիկապես հնարավոր չէ»,- նշեց Դավիթ Հարությունյանը:
Նրա խոսքով՝ ինքը միշտ դեմ է եղել ստորագրված ընտրացուցակների հրապարակմանը, սակայն վստահության դիմաց ինչ-որ գին պետք է վճարել, քննարկվում է այդ հարցը և հնարավոր է, որ իշխանությունները գնան այդ քայլին: Անդրադառնալով ԸՕ փոփոխությունների համար անհրաժեշտ գումարների առկայության վերաբերյալ հարցին՝ Դավիթ Հարությունյանը նշեց, որ պաշտոնապես որևէ փաստաթուղթ չկա գումարի առկայության վերաբերյալ, այդ մասին միայն բանավոր հավաստիացումներ են հնչել:
Մանրամասները՝ տեսանյութում: