Գաղտնիք չէ, որ Հայաստանում շատ վաղուց այնպիսի հստակ կարծիք է ձևավորվել, որ որևէ փոփոխություն (իշխանության ձևավորման մասին է խոսքը) ընտրական օրենքի շրջանակներում դժվար թե կայանա: Եվ դրանով է պայմանավորված վերջին մի քանի ընտրությունների նկատմամբ հասարակության ընդհանուր ապատիան, որը արտացոլվում է բավականին պասիվ մասնակցությամբ: Պետք չէ հավատալ այն պաշտոնական թվերին, ըստ որոնց՝ ընտրողների 60 տոկոսը մասնակցում են ընտրություններին: Այս մասին «Առաջին լրատվական»- ի հետ զրույցում ասաց քատեխնոլոգ Վիգեն Հակոբյանը:
Նրա կարծիքով՝ իշխանությունը սովորաբար երկու գլխավոր խնդիր է լուծում: Առաջինը, ըստ նրա, մասնակցություն ապահովելն է, որպեսզի ցույց տա գործընթացի նկատմամբ ժողովրդի հետաքրքրությունը և ընդհանուր առմամբ ապահովի դեմոկրատական պրոցեսի տեսլականը, և երկրորդ ՝ բնականաբար իր խնդիրը իշխանության վերարտադրության ապահովումն է:
«Ես, իհարկե, բնական եմ համարում այն, որ իշխանություն փորձում է իր վերարտադրությունը ապահովել, իսկ ցանկացած ընդիմություն փորձում է իշխանափոխություն իրականացնել»,- ընդգծեց Գ. Հակոբյանը:
Անդրադառնալով ՏԻՄ ընտրություններին՝ նա նշեց, որ իրեն զարմացնում է քաղաքական ընդդիմադիր ուժերի անտարբերությունը ՏԻՄ ընտրություններին, քանի որ, ըստ նրա, դա այն վարչական ռեսուրսին տիրանալու պայքարն է, որից զրկվում են ընդդիմադիրները: «Եթե չես մասնակցում ընտրություններին, ուրեմն ամբողջ հույսդ դնում ես այընտրանքի վրա, ասյինքն՝ հույս ունես, որ մինչև ընտրություններն այնպիսի իրավիճակ կստեղծվի, որ փողոցը կհավասարակշռի այն ռեսուրսները, որը փաստացի ինքնակամ հանձնում ես ես իշխանությանը՝ ՏԻՄ ընտրություններին չմասնակցելով»:
Վ. Հակոբյանի կարծիքով՝ «տիտղոսային» ընդդիմադիրներից շատերը հույսը դնում են նրա վրա, որ կարող են ինչ-ինչ պայմանավորվածություններ ձեռք բերել, այդ թվում նաև փոխհատուցում ստանալ իրենց որոշ դիրքորոշումների դիմաց. «Օրինակ՝ ՀԱԿ-ի դիրքորոշումները՝ որոշ կարևոր հարցերի շուրջ՝ մասնավորապես արցախյան հարցի, հուլիսյան իրադարձությունների շուրջ համընկնում են»:
Քաղտեխնոլոգը նշեց նաև, որ «ավանդական, տիտղոսային» ընդդիմության մոտ նախընտրական ընդդիմադիր ավյուն չի տեսնում, իսկ նորաստեղծ կուսակցություններն, ըստ նրա՝ դեռևս խնդիր ունեն իրենց ճանաչելի դարձնելու և այդ առումով որոշակի հաջողություններ ունեն:
Մանրամասները՝ տեսանյութում: