Գերմանիայի կանցլեր Անգելա Մերկելը հայտարարել է, որ գերմանական իշխանությունները Թուրքիայի հետ բանակցություններ են վարում այն մասին, որպեսզի Բունդեսթագի պատգամավորները կարողանան գնալ գերմանացի 250 զինվորների մոտ, որոնք գտնվում են թուրքական «Ինջիրլիք» ավիաբազաայում` ԴԱԻՇ-ի դեմ միջազգային օպերացիայի շրջանակներում, հայտնում է Reuters-ը:
Մերկելի խոսքերով` Գերմանիայի զինված ուժերը արդյունավետ են աշխատել Թուրքիայի ռազմական բազայում: Նա հույս է հայտնել, որ այդ աշխատանքը կշարունակվի:
Գերմանացի պատգամավորները սպառնացել են ավարտել երկրի ռազմական առաքելությունը, եթե Անկարան նրանց չթույլատրի «Ինջիրլիք» այցելել: Թուրքիան հունիսին հրաժարվել է պատգամավորներին թույլ տալ ռազմաբազա այցելել, այն բանի համար, որ երկրի խորհրդարանը բանաձև է ընդունել Հայոց ցեղասպանության ճանաչման մասին, և նախազգուշացրել է հոկտեմբերի արգելիքի կրկնման հնարավորության մասին:
