Ռուսական RIA Novosti լրատվական գործակալությանը տված հարցազրույցում Սիրիական դեմոկրատական խորհրդի ընդդիմադիր անդամ, քաղաքական գործիչ Ռեյզան Խեդուն հայտարարել է, որ Թուրքիան ցանկանում է ստանալ Հալեպը, որպեսզի այն օգտագործի որպես խաղաթուղթ՝ քաղաքական ապագա բանակցություններում:
«Թուրքիայի դաշնակցային ուժերը Հալեպի վրա հարձակվում են հարավից ու հարավ-արևմուտքից: Թուրքիան բանակցությունները կվարի ագրեսիվ՝ ձեռքին ունենալով հալեպյան հաղթաթուղթը:
Քրդական ուժերը դարձան միջազգային պայմանավորվածությունների պատանդը: Այդ հարցը իր մեջ ներառում է ռուսների, ամերիկացիների, թուրքերի ու իրանցիների պայմանավորվածություն:
Քրդական զինված ջոկատները լուրջ ուժ են ահաբեկչության դեմ պայքարում, սակայն նրանք այնքան հզոր չեն, որ դիմակայեն բոլոր մեծ երկրներին»,- նշել է Խեդուն: