Թուրքական Anadolu լրատվական գործակալության փոխանցմամբ՝ Թուրքիայի ռազմաօդային ուժերը ավիահարվածներ են հասցրել Սիրիայի հյուսիսում գտնվող Ջերաբլուս քաղաքում ԴԱԻՇ-ի դիրքերին:
Ավելի վաղ հաղորդվել էր, որ թուրքական բանակը դաշինքի ինքնաթիռների աջակցությամբ սկսել է Ջերաբլուսի ազատագրման ռազմական գործողությունը:
Ջերաբլուսի գործողությունը միտված է թուրքական սահմանը ահաբեկչական խմբավորումներից մաքրելու և Սիրիայի տարածքային ամբողջականության աջակցելու համար:
Ավելի վաղ Թուրքիայի արտգործնախարար Մևլյութ Չավուշօղլուն հայտարարել էր, որ Թուրքիայի իշխանությունները պատրաստ են ամեն տիպի անհրաժեշտ օգնություն ցուցաբերել Ջերաբլուսը ԴԱԻՇ-ից ազատագրելու համար:
Թուրքիայի հատուկ նշանակության զորքերն արդեն իսկ մուտք են գործել Սիրիայի տարածք:
