Ըստ տեղեկությունների՝ նոր Ընտրական օրենսգրքի փոփոխությունների վերաբերյալ 4+4+4 ձևաչափով քննարկումների արդյունքում ձեռք բերված փաստաթուղթը փոփոխվելու է, ավելին՝ իշխանությունները փորձում են խորհրդարանական ընտրություններին ընդառաջ հրապարակել ստորագրված ընտրացուցակները, ինչին մինչ այժմ դեմ են եղել: «Առաջին լրատվական»- ը թեմայի շուրջ զրուցեց ՀՀԿ խմբակցության ղեկավար Վահրամ Բաղդասարյանի հետ:
Գումարը ճարվեց, սակայն քայլեր չկատարեցին. անդրադառնալով այս դիտարկմանը՝ ՀՀԿ խմբակցության ղեկավարը նշեց. «Մենք բազմիցս հայտարարել ենք, որ իշխանությունը հակված է ունանալու այնպիսի Ընտրական օրենսգիրք, որը կլինի հնարավորինս անխոցելի: Եվ եղան առաջարկություններ, որ մենք կարողանանք ձեռք բերել այնպիսի տեխնիկական հզորությունները, որոնք կարող են բավարարել այն բոլոր պայմանները, որոնց մասին բարձրաձայնում էին մեր ընդդիմադիր գործընկերները:
Ի սկզբանե մենք դեմ ենք եղել ստորագրված ընտրացուցակների հրապարակմանը, որին դեմ էր նաև Վենետիկի հանձնաժողովը, մենք ցանկանում էինք դրա փոխարեն ունենալ այնպիսի տեխնիկական հզորություն, որը կարողանար այդ բոլոր ինչուների պատասխանը տալ, և սկսվեց գործընթացը, բանակցությունները միջազգային կառույցների հետ: Բանակցությունների արդյունքում մենք առաջարկեցինք այն տարբերակները, որոնք կարող են մտահոգությունները փարատել:
Գումարները կարծես թե կարողանում էինք ինչ-որ ձևով գտնել, և այդ ժամանակ լեհական կողմի, այն կազմակերպության հետ, որ պետք է իրականացներ այդ գործընթացը՝ տեխնիկական պայմանները պետք է ապահովեր՝ կապված 10 մատնահետքերի հարցի լուծման հետ, բանակցությունների ընթացքում քննարկումներ սկսվեցին երկու մատնահետքերի խնդրի մասին, լեհական կազմակերպությունը 4 ամիս ուներ, որպեսզի այդ խնդիրը կարգավորեր, և նոր փուլ սկսվեց: Այդ նոր ձևաչափով բանակցություններն ընթանում են:
Վ. Բաղդասարյանը հավելեց. «Հայտարարել ենք, որ քննարկման առարակա են նաև ստորագրված ցուցակների հրապարակումը, որովհետև մենք շատ ենք կարևորում հանրային վստահության բարձրացման խնդիրը»:
«Ամեն ինչ կանենք, որպեսզի ԸՕ-ն հնարավորինս անխոցելի դառնա»,- վստահեցերց ՀՀԿ խմբակցության ղեկավարը՝ հավելելով, որ մենք մինչև սեպտեմբերի 1-ը պետք է կարողանան գալ ընդհանուր հայտարարի. «Ժամանակը չի սպասում, մոտենում են ընտրությունները»:
Մանրամասները՝ տեսանյութում:
