Կիսատ թողած կամ սխալ կազմակերպված արձակուրդը կարող է բերել ոոշակի խնդիրների, բայց միայն դա չէ խնդիրը, հետարձակուրդային սթրես է առաջանում նաև լավ կազմակերպված արձակուրդից հետո: Արձակուրդից հետո ադապտացիոն շրջաններ ենք ունենում: Ճկուն մարդիկ ավելի հեշտ են ադապտացվում և քիչ են սթրեսի ենթարկվում, դա կախված չէ ո՛չ սեռային, ո՛չ ազգային պատկանելությունից: Այս մասին Առաջին լրատվականի հետ զրույցում ասաց հոգեբան Միհրդատ Մադաթյանը:
Նրա հավաստմամբ՝ հետարձակուրդային սթրեսները չեն կարող աշնանային դեպրեսիայի հետ կապ ունենալ: Բացի դրանից, նրա հավաստմամբ, հետարձակուրդային սթրեսը դժվար թե պատճառ հանդիսանա միջանձնային կոնֆլիկտների համար:
Մ. Մադաթյանը խորհուրդ է տալիս մի քանի օր շուտ վերադառնալ արձակուրդից, մեկ-երկու օր մնալ Երևանում, որպեսզի ադապտացիոն շրջանը հնարավոր լինի հեշտ անցել, հետո գնալ աշխատանքի: Կտրուկ դերային իրավիճակը փոխվում է, դա խանգարում է, անցումը պետք է սահուն լինի:
Հոգեբանը խորհուրդ է տալիս առաջին օրերին լիարժեք ծանրաբեռնվածությամբ չաշխատել, այլ գործընկերների հետ կիսվել տպավորություններով:
Հետարձարձակուրդային շրջանում հոգեբանները խորհուրդ են տալիս աշխատողներին կես օրով ծանրաբեռնել, մինչև կգնան լիարժեք ադապտացման:
Մանրամասները՝ տեսանյութում: