«Մենք շատ ուրախ ու հպարտ ենք, որ Արայիկ Խանդոյանը դնելու է իր թեկնածությունը։ Ամբողջ գյուղը կանգնելու է նրա համար»,- «Առաջին լրատվական»-ի հետ զրույցում ասաց Ծաղկահովիտ համայնքի բնակիչ, Խանդոյանի ընկեր Հովիկ Հովհաննիսյանը։
Նրա խոսքերով՝ այս պահի դրությամբ չորս թեկնածու կա առաջադրված, որոնցից երկուսը հանելու են իրենց թեկնածությունը։ «Տա Աստված, որ Արայիկի գործերը հաջողվի, դնի թեկնածությունը։ Իսկ մենք պատրաստ ենք մեր ընկերոջ համար ամեն ինչ անել։ Եթե հանկարծ փորձեն ինչ-որ ձև խոչընդոտել ընտրությունները, մենք էլ մերն ենք անելու ընտրությունների ժամանակ։ Եթե Արայիկին չթողեցին, որ դնի (թեկնածություն ), էստեղ էլ ընտրությունները չեն կայանա նորմալ ձևով»,- հավելեց Խանդոյանի ընկերը։
Մեր զրուցակցի խոսքերով՝ այն արարքը, որին գնացել է Արայիկը, մեր ազգի համար է։ Ազգին արթնացնելու համար է եղել։
Խանդոյանի ընկերներից մեկ ուրիշն էլ՝ Մհեր Ավետիսյանն ասաց, որ գյուղում բոլորն էլ սիրում ու գնահատում են Արայիկին։ Գյուղի 70 տոկոսը կկանգնի նրա համար։ Ընտրվելու դեպքում էլ շատ բան կարող է անել գյուղի համար։
Առավել մանրամասն՝ տեսանյութում։
