Թուրքիայի նախագահ Ռեջեփ Թայիփ Էրդողանը Արևմուտքին կոչ է արել չմիջամտել երկրի գործերին և «զբաղվել սեփական գործերով»։ Այս մասին հայտնում է Al Arabiya-ն։
«Որոշ մարդիկ մեզ խորհուրդներ են տալիս։ Նրանք խոսում են իրենց անհանգստության մասին։ Զբաղվեք ձե՛ր գործերով»,- հայտարարել է Էրդողանը՝ նշելով, որ Արևմուտքի երկրների ոչ մի պաշտոնական ներկայացուցիչ գործարար այցով չի ժամանել Թուրքիա զինված հեղաշրջման փորձից հետո։
Թուրքիայի նախագահը նաև հայտնել է, որ այն երկրները, որոնք ցավում են հեղաշրջման մասնակիցների, այլ ոչ թե թուրքական ժողովրդավարության ու քաղաքացիների կյանքի համար, չեն կարող լինել Թուրքիայի բարեկամը։ Էրդողանը խոստացել է ընդունել բոլոր օրինական միջոցառումները հեղաշրջման մասնակիցներին պատժելու համար։