ԱՄՆ նախագահի դեմոկրատ թեկնածու Հիլարի Քլինթոնի շտաբի ազգային անվտանգության հարցերով խորհրդական Ջերեմի Բեշը մեկնաբանել է Քլինթոնի հանրապետական մրցակից Դոնալդ Թրամփի հայտարարությունը Ղրիմի վերաբերյալ՝ հայտնում է RIA Novosti-ն։
«Չեմ կարծում, թե Թրամփը գոնե գիտի, թե քարտեզի վրա որտեղ է Ղրիմը»,- ասել է նա։
Բեշը կարծում է, որ ռուսները Թրամփին կհամարեն իրենց մարդը Վաշինգտոնում՝ նրա ընտրվելու դեպքում։ «Նրանք նրան կհամարեն մարդ, որը կարող է անել այն, ինչին իրենք (Ռուսաստանը) անձամբ չեն կարող հասնել։ Օրինակ՝ ՆԱՏՕ-ի թուլացման»,- հավելել է Քլինթոնի խորհրդականը։
Թրամփը մամլո ասուլիսի ժամանակ ասել էր, որ ընտրվելու դեպքում պատրաստ է դիտարկել Ղրիմի ճանաչումը որպես Ռուսաստանի մաս և պատժամիջոցների հանումը։
Կրեմլում միլիարդատիրոջ խոսքերը համարել են նախընտրական հռետորաբանություն՝ նշելով, որ դա չի փոխի Թրամփի հանդեպ վերաբերմունքը ռուսական իշխանությունների կողմից։
Նշենք, որ Ղրիմի առաջին փոխարչապետ Միխայիլ Շերեմետն արդեն Թրամին հրավիրել է թերակղզի։