Ժնևում Ռուսաստան-ԱՄՆ-ՄԱԿ եռակողմ ձևաչափով հանդիպման մասնակիցներին հաջողվել է հասնել առաջընթացի: Այդ մասին հայտնել է Սիրիայի հարցով ՄԱԿ-ի հատուկ պատվիրակ Ստաֆան դե Միստուրան` հանդիպման շրջանակներում տեղի ունեցած ճեպազրույցի ժամանակ, հայտնում է TASS-ը:
«Մեր քննարկումների առարկան եղել է ռազմական գործողությունների դադարեցման, հումանիտար հասանելիության ապահովման, ահաբեկչության դեմ պայքարի գործում շուտափույթ առաջընթացի հասնելու անհրաժեշտությունը, ինչպես նաև քաղաքական անցման համար պայմանների ստեղծումը»,- ասել է նա: «Անկեղծորեն ասած` Ժնևում մեզ հաջողվել է հասնելու որոշակի առաջընթացի»,- նշել է դե Միստուրան:
Նա հույս է հայտնել, որ Սիրիայի հարցով Լավրովի և Քերիի միջև պայմանավորվածությունները կվերաճեն կոնկրետ և շոշափելի քայլերի:
Ռուսաստան-ԱՄՆ-ՄԱԿ եռակողմ ձևաչափով հանդիպումն ավարտվել է, սակայն ՌԴ-ի և ԱՄՆ-ի խորհրդակցությունները շարունակվում են:
