Ռուսական RIA Novosti լրատվական գործակալության փոխանցմամբ` թուրքական լոլիկներն ու ցիտրուսները կարող են ամառային սեզոնի ավարտից հետո վերադարձնել ռուսական շուկայում կորցրած դիրքերը, երբ ավելի փոքր կլինի ներկրված մրգերի ու բանջարեղենի պահանջարկը:
Այդ մասին հայտարարել է «Ռուսպրոդսոյուզի» նախագահի տեղակալ Դմիտրի Լեոնովը. «Թուրքիայից սննդամթերքի հիմնական մատակարարումները բաժին են ընկել լոլիկին ու ցիտրուսներին: Ներկայումս սկսվել է հայրենական մրգերի ու բանջարեղենի սեզոնը,ինչի համար ներկրվող արտադրանքի պահանջարկը ցածր է ամառային սեզոնին:
Ամառային սեզոնի ավարտից հետո Թուրքիան կարող է վերադարձնել իր դիրքերը ռուսական շուկայում»: Ռուսաստանը Թուրքիայից մրգերի ու բանջարեղենի ներկրման վրա արգելք է դրել 2016 թվականի հունվարի 1-ից:
