Հայաստանի Հանրապետության քաղաքացիները մինչև 2019թ. հունվարի 1-ը կարող են ստանալ հին նմուշի անձնագրեր: Այս մասին այսօր՝ հունիսի 28-ին, «Հայաստանի Հանրապետության քաղաքացու անձնագրի մասին» և «Նույնականացման քարտերի մասին» Հայաստանի Հանրապետության օրենքում փոփոխություններ և լրացումներ կատարելու մասին օրինագծերի փաթեթը ԱԺ արտահերթ նիստում ներկայացնելիս ասաց ՀՀ ոստիկանության պետի տեղակալ Վարդան Եղիազարյանը:
«Այս փոփոխությունը ուղղված է կրոնական համոզմունքներով պայմանավորված բիոմետրիկ փաստաթղթեր խուսափող քաղաքացիների խնդրի լուծմանը, ինչպես նաև հնարավոր տեխնիկական խոչընդոտների դեպքում անձնագրեր տրամադրելու անխափան աշխատանքին»,- ասաց Վարդան Եղիազարյանը:
Մինչև վեց տարեկան երեխաներին անձնագիր կտրամադրվի մինչև 3 տարի ժամկետով, իսկ 6-16 տարեկանը՝ 5 տարի վավերականության ժամկետով: Վարդան Եղիազարյանի հավաստմամբ՝ նման փոփոխությունը հիմնված է միջազգային փորձի վրա:
Մանրամասները՝ տեսանյութում: