Մեկ տարուց ավելի նավթային դիվանագետները փորձել են կուլիսներում պայմանավորվել նավթի արդյունահանման մակարդակի և որպես հետևանք՝ նավթի գների կայունացման շուրջ: Խնդիրն այն է եղել, որ էմիսարներին անհրաժեշտ էր դուրս գալ նավթային կարտելի՝ Նավթ արտահանող երկրների կազմակերպության (ՕՊԵԿ) շրջանակներից և պայմանավորվել մյուս արդյունահանողների հետ: «Գաղտնի գլոբալ գործարքի» մանրամասները ներկայացնում է Bloomberg-ը՝ հղում անելով աղբյուրներին:
Գործակալությունը նշում է, որ նավթային անկման 8 ամսում առաջին անգամ 4 երկիր՝ Ռուսաստանը, Սաուդյան Արաբիան, Կատարը և Վենեսուելան, որոնք նավթի արդյունահանման մակարդակով համարվում են առաջատար, պայմանավորվել են արդյունահանումը 2016թ. հունվարի մակարդակին սառեցնելու մասին, ինչն արդեն դարձել է երկարատև «գաղտնի բանակցությունների» արժանի վերջ՝ նշում են գործակալության աղբյուրները:
Այժմ նավթային դիվանագետների առջև ավելի բարդ խնդիր է դրված՝ մյուս երկրներին համոզել շուկայում մասնաբաժնի համար պայքարից հրաժարվելու անհրաժեշտության հարցում և միանալ արդյունահանման սառեցման մասին համաձայնագրին: Սակայն համաձայնագրի ճանապարհին սայթաքելու գլխավոր քարը կարող է լինել Իրանը՝ նշում են աղբյուրները: Իրանը, որի դեմ պատժամիջոցները վերջերս են չեղարկվել, նոր-նոր է սկսում նավթի շուկա լիակատար վերադարձը: Իրանը ցանկանում է վերադարձնել իր մասնաբաժինը շուկայում, որը կորցրել է պատժամիջոցների տարիներին:
Սակայն արդյունահանման մակարդակի սառեցման ընդհանուր ձգտումը նավթային երկրներին մոտեցնում է «մեծ գործարքի»՝ նշում է գործակալությունը:
