Փետրվարի 6-ին ՀՀ ՊՆ N զորամասի ժամկետային զինծառայող, ազգությամբ եզդի Ազիզ Բաքոյանը, լքելով ծառայության վայրը, անհետացել էր:
4 օր անց պարզ դարձավ, որ նա Դիլիջանից ոտքով քայլելով հասել է Արագածոտնի մարզ՝ Օշական գյուղում գտնվող իր տուն:
Գյուղի եզդիաբնակ հատվածում մեր առջև դռները փակ էին:
Ազիզի ծնողները ռազմական հոսպիտալում էին, քույրը դուռը չբացեց, հորեղբայրն էլ տեսախցիկի առջև չէր ցանկանում մանրամասներ ներկայացնել:
Ազիզ Բաքոյանին ռազմական ոստիկանությունը տնից տարել է հոսպիտալ, հիմա նրա վիճակը լավ է: Թե ինչ է կլինի նրա հետ, պաշտոնական պատասխան չստացանք:
