«Էլեկտրոնային քվեարկության մասին խոսում են բոլորը, բայց ոչ ոք չգիտի, թե դա ինչ է,- այս մասին լրագրողների հետ զրույցում ասաց ԱԺ աշխատակազմի ղեկավար Հրայր Թովմասյանը ՝ հավելելով, որ բոլոր այն երկրներում, որտեղ չկա վստահույթյուն ընտրական համակարգերի նկատմամբ, խորհուրդ չի տրվում էլեկտրոնային համակարգի ներդրումը: Բայց իր հերթին էլեկտրոնային համակարգը կոչված է ապահովելու վստահության բարձրացումը:
Նրա խոսքով՝ այս խնդրի լուծումը պետք է տեսնել հետևյալ համատեքստում. պետք է այդ համակարգերը պատրաստված լինեն միջազգային ասպարեզում հեղինակություն վայելող կազմակեպությունների կողմից, պիտի անցնեն միջազգային աուդիտ, միջազգային կառույցները պետք է լինեն երաշխավորը, որ այս համակարգերը անձեռնմխելի են:
Ընտրական օրենսգրքի լավ ու վատ լինելու նախապայմանը, ըստ Հրայր Թովմասյանի, այն է, թե որքանով է այդ համակարգը ընդունվում, որքանով կա վստահություն այդ համակարգի նկատմամբ:
Անդրադառնալով սահմանադրական հանրաքվեի արդյունքների վերաբերյալ ԵԱՀԿ/ԺՀՄԻԳ քննադատությանը, Հրայր Թովմասյանը նշեց, որ այդ գնահատականներն օբյեկտիվ կլինեին, եթե դիտորդական խմբերը մեծ լինեին:
Մանրամասները՝ տեսանյութում: