Մարտի մեկը որևէ քաղաքական ուժի սեփականությունը չէ։ «Առաջին լրատվական»-ի հետ զրույցում ասաց «Նոր Հայաստան» հանրային փրկության ճակատի քաղխորհրդի անդամ, «Ժառանգություն» կուսակցության փոխնախագահ Արմեն Մարտիրոսյանը:
2009 թվականից սկսած ամեն տարի մարտի մեկին Հայ ազգային կոնգրեսն ազատության հրապարակում հանրահավաք և երթ է անցկացրել նվիրված Մարտի մեկի զոհերի հիշատակին, այս տարի հանրահավաք է նախատեսում անցկացնել նաև «Նոր Հայաստան» հանրային փրկության ճակատը՝ հայտարարելով, որ Մարտի մեկը որևէ քաղաքական ուժի չի պատկանում և իրենք կոչ են անում միավորվել։
ՀԱԿ փոխնախագահ Լևոն Զուրաբյանն ավելի վաղ «Առաջին լրատվական»-ի հետ զրույցում ասել էր, որ «Նոր Հայաստան» ի հետ պայմանավորվածություն չունեն, իրենք ունեն իրենց օրակարգը և անելու են այնպես, ինչպես նախորդ տարիների ընթացքում։ Նշել էր նաև, որ Մարտի մեկի հարցում ոչ մի ուժ այնքան հետևողական չի եղել, որքան ՀԱԿ-ը։
Նախաձեռնությունն ինչպես հայտնի է, առաջ է քաշել չորս պահանջ, սակայն, որևէ հույս չունի, որ այս հանրահավաքով կհասնի պահանջների բավարարմանը։
Լ. Զուրաբյանի հավաստմամբ՝ «Նոր Հայաստան»-ի հետ հանրահավաքի կազմակերպման հետ կապված պայմանավորվածություն չունեն: «Մենք մեր ծրագիրն ունենք, ամեն տարի կազմակերպել ենք»:
