Georgia Online-ի փոխանցմամբ՝ Վրաստանի պաշտպանության նախարար Թինա Խիդաշելին լրագրողների հետ զրույցում հայտարարել է, որ իրենց գլխավոր նպատակը ՆԱՏՕ-ի անդամ դառնալն է, և դրա համար իրենք պետք է անեն ամեն բան։
Խիդաշելիի խոսքով՝ Վրաստանը պետք է կատարի ստանձնած պարտավորությունները, և երկիրը պետք է պատրաստ լինի դաշինքի անդամ դառնալ ամեն րոպե. «Մենք յուրաքանչյուր գագաթնաժողովից հետո պետք է դառնանք ավելի ուժեղ, քան եղել է նախկինում»։
Խիդաշելին փետրվարի 9-ին մեկնելու է Բրյուսել և հանդիպում է ունենալու եվրոպացի առաջնորդների հետ։ Սրանից առաջ Հարավային Կովկասում ու Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Ջեյմս Ափաթուրայը ակնկարկել էր, որ Վրաստանը հուլիսին կայանալիք ՆԱՏՕ-ի գագաթնաժողովում դաշինքին անդամակցելու գործողությունների պլան (MAP) չի ստանա: