Այսօր ԱԺ Հանրապետական խմբակցության նիստում տեղի ունեցած խորհրդակցության ժամանակ Արման Թաթոյանը ՀՀԿ-ի կողմից առաջադրվել է որպես Մարդու իրավունքների պաշտպանի թեկնածու:
«Ես ընդամենը առաջադրված եմ որպես թեկնածու: Հանձնաժողովում քննարկումներ կլինեն, կարծում եմ այնտեղ էլ բազմաթիվ հարցեր կներկայացվեն, որոնց կպատասխանեմ մանրամասն», -նիստից հետո լրագրողների հետ զրույցում հայտարարեց Արման Թաթոյանը:
Հարցին, թե կկարողանա գործադիր մարմնի ներկայացուցիչը ՄԻՊ պաշտոնում գործել անկաշկանդ, Թաթոյանը պատասխանեց. «Այո, ես համոզված եմ, որ կարող եմ լինել անկաշկանդ և աշխատել օմբուդսմենի առջև դրված խնդիրիներին համարժեք: Ես տարիներ շարունակ աշխատել եմ ՄԻՊ-ի գրասենյակում և պատկերացնում եմ աշխատանքը»:
