Alphabet ընկերությունը, որին է պատկանում Google-ը, կարող է գերազանցել Apple-ին և դառնալ աշխարհում ամենախոշոր կապիտալիզացիայով ընկերությունը՝ գրում է korrespondent.net-ը:
Նշվում է, որ անցած ուրբաթ օրվա առևտրի տվյալներով՝ երկու ընկերությունների միջև տարբերությունը կազմել է 10%, իսկ Alphabet-ի կապիտալիզացիան գերազանցել է 500 մլրդ դոլարը:
Լրագրողների կարծիքով՝ սմարթֆոնների առատությունը շուկայում և շուկայական աճի տեմպերի դանդաղումը կանդրադառնա Apple-ի վրա: Բացի այդ՝ ընկերության եկամտի ավելի քան 60%-ը ստացվում է iPhone-ից:
Իր հերթին Google-ի համար կարևոր է շարժական թվային գովազդի շուկան, որը մինչև 2019թ. կարող է աճել 3 անգամ՝ մինչև 200 մլրդ դոլար: