«Ֆորսաժ 7» մարտաֆիլմը, դերասաններ Ջոնի Դեպն ու Սանդրա Բալոքն արժանացել են «Ժողովրդի ընտրություն» (People`s Choice 2016) մրցանակին։ ԱՄՆ-ի ամենաժողովրդական մրցանակի հանձնման արարողության հեռարձակումն իրականացրել է CBS հեռուստաալիքը։
Մրցանակի դափնեկիրներին որոշում են համացանցային քվեարկության արդյունքներով, որին ավանդաբար մասնակցում են երկրպագուները։
«Ֆորսաժ 7» մարտաֆիլմը մրցանակի է արժանացել երկու անվանակարգերում՝ «Սիրելի ֆիլմ» և «Սիրելի էքշըն»։
«Սիրելի կատակերգու դերասանուհի» անվանակարգում հաղթել է Մելիսա ՄաքՔարթին, երկրպագուները «Սիրելի դրամատիկ դերասանուհի» են ճանաչել Դակոտա Ջոնսոնին, «Էքշըն ժանրում լավագույն դերասան» է դարձել Քրիս Հեմսոուրթը:
People`s Choice մրցանակը կինոյի, երաժշտության և հեռուստատեսության ոլորտներում հանձնվում է ամեն տարի՝ սկսած 1975 թվականից։
