Կալիֆոռնիայի դատարաններից մեկում երեկ հայց է ներկայացվել Sony ընկերության դեմ: Հայցվորը բողոքում է ճապոնական ընկերության PlayStation կայքի վրա կատարված հաքերական հարձակման ժամանակ 77 օգտատերերի տվյալները կորցնելու համար: Այս մասին հաղորդել է Hollywood Report կայքը:
Հայցը ներկայացրել է Rothken Law Firm փաստաբանական գրասենյակը, որը մասնագիտացած է կոլեկտիվ հայցեր ներկայացնելու մեջ: Չի նշվում, սակայն, թե որքան է հայցի մեջ նշված փոխհատուցման գումարը:
«Առաջին լրատվականը» երեկ տեղեկացրել էր, որ անցած շաբաթ հարձակում է տեղի ունեցել PlayStation Network կայքի վրա: Sony-ն զգուշացրել էր, որ այդ հարձակման ժամանակ գողացվել են օգտատերերի անձնական տվյալները: Հաքերներին հասանելի են դարձել նրանց գաղտնաբառերը, էլեկտրոնային փոստի հասցեները, ծննդյան թվերը և մի շարք այլ տվյալներ: Sony-ում չեն բացառել, որ գողացվել են նաև քրեդիտային քարտերի համարներ: