Նոյեմբերի 29-ին, ժամը 18.44-ին ՀՀ տարածքային կառավարման և արտակարգ իրավիճակների նախարարությունում տեղեկատվություն է ստացվել, որ Երևանի Երևանյան լճի մոտակա «Լճափ» բենզալցակայանի մոտակայքում տեղի է ունեցել ՃՏՊ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ բախվել են «ՎԱԶ 2102» մակնիշի 34 FM 388 պ/հ (վարորդի ինքնությունը չի հաջողվել պարզել), «Opel Vectra» մակնիշի 50 EZ 101 պ/հ (վարորդ՝ Հ. Ս.), «Volkswagen Polo» մակնիշի 422 OT 61 պ/հ (վարորդ՝ Վ. Խ.), «Mercedes C180» մակնիշի 34 EA 054 պ/հ (վարորդ՝ Ա. Պ.) և «Opel Astra» մակնիշի 3 4VL 280 պ/հ (վարորդ՝ Վ. Մ.) ավտոմեքենաները:
Մինչ հրշեջ-փրկարարների կանչի վայր հասնելը՝ «ՎԱԶ 2102»-ի վարորդը տեղի ուժերով տեղափոխվել է հիվանդանոց, իսկ «Opel Vectra»-ի ուղևորը ոստիկանության աշխատակիցների ուժերով տեղափոխվել է «Շենգավիթ» ԲԿ, որտեղ նրա առողջական վիճակը գնահատվել է բավարար:
Հրշեջ-փրկարարները հոսանքազրկել են «ՎԱԶ 2102» և «Opel Vectra» մակնիշի ավտոմեքենաները:
