Վայրի բնության լուսանկարիչ, շոտլանդացի Ալան Մաքֆեդյենին վերջապես հաջողվել է ստանալ իր երազած կադրը, որի համար նա չարչարվել է շուրջ 6 տարի, գրում է adme.ru-ն: Նա երազում էր լուսանկարել ջրի մեջ առանց ցայտքի սուզվող ծղնու: Դրա համար Ալանը շաբաթական մի քանի անգամ գալիս էր նույն լճի մոտ և համառորեն լուսանկարում էր թռչուններին:
Բնության հանդեպ սերը նրա մեջ ներարկել է պապը 40 տարի առաջ. երբ նա 6 տարեկան է եղել, պապը նրան ցույց է տվել լիճը, որտեղ բույն են դնում ծղնիները: Երբ Ալանը դարձավ լուսանկարիչ, գնաց նույն վայրը, որպեսզի լուսանկարի այդ հրաշք թռչունների ճարպկությունն ու գեղեցկությունը: Նա 720 կադր է նկարել, մինչև ստացել է իր երազած կատարյալ լուսանկարը: Ահա այն:
«Ես հենց այսպիսի լուսանկար եմ ցանկացել ստանալ, որտեղ ծզնին իր երկար կտուցով առանց ցայտքի կտրում է ջրի հայելին»,- ասել է Ալանը:
