Թուրքական օդուժը չի դադարեցրել իր գործողությունները Սիրիայում. աղբյուր

Ռուսական Interfax լրատվական գործակալության փոխանցմամբ՝ Թուրքիայի ռազմաօդային ուժերը շարունակում են մասնակցել ԴԱԻՇ-ի դեմ ԱՄՆ-ի գլխավորած գործողությանը։ Դրա մասին հայտնում են եվրոպական ԶԼՄ-ները՝ վկայակոչելով թուրքական աղբյուրները։

Նրանց խոսքերով՝ Թուրքիան նախկինի նման ողջ ծավալով միջազգային դաշինքի շրջանակներում մասնակցում է ԴԱԻՇ-ի դեմ պայքարին։ Աղբյուրներն ընդգծել են, որ այդ հարցում Թուրքիայի դիրքորոշումը չի փոխվել։

Սրանից առաջ Hurriyet թերթը գրել էր, որ Թուրքիայի ռազմաօդային ուժերը դադարեցրել են ԴԱԻՇ-ի դեմ պայքարում Սիրիայի օդային տիրույթում իրենց թռիչքները։