Ֆրանսիան կանի հնարավոր ամեն բան՝ վերջնականապես և անշրջելիորեն ոչնչացնելու ԴԱԻՇ ահաբեկչական խմբավորումը, որը գործում է Սիրիայում և Իրաքում։ Նման խոստմամբ է հանդես եկել Ֆրանսիայի նախագահ Ֆրանսուա Օլանդը նոյեմբերի 13-ին Փարիզում տեղի ունեցած ահաբեկչությունների զոհերի հիշատակի արարողությանը։ Այս մասին հայտնում է TASS գործակալությունը։
«Պաշտոնապես խոստանում եմ Ձեզ անել հնարավոր ամեն բան՝ ոչնչացնելու այդ ֆանատիկոսների բանակը»,- ասել է երկրի ղեկավարը՝ դիմելով Փարիզի ողբերգության զոհերի հարազատներին Հաշմանդամների տանը տեղի ունեցած արարողության ժամանակ։
Ինչպես ընդգծել է Օլանդը՝ «Ֆրանսիան կգործի անշեղորեն՝ պաշտպանելով իր երեեխաներին» ողջ աշխարհում։ «Ֆրանսիան հավատարիմ կմնա ինքն իրեն, կմնա այնպիսին, ինչպիսին նրան սիրել են զոհերը, այնպիսին, ինչպիսին նրանք կցանկանային տեսնել այն»։
