Պենտագոնի ներկայացուցիչ Սթիվ Ուորենը հայտնել է, որ վերջին 10 օրվա ընթացքում Էր Ռամադի քաղաքի շրջանում կոալիցիայի օդային հարվածների շնորհիվ ոչնչացվել են հարյուրավոր զինյալներ, հայտնում է RIA Novosti-ն:
«Այդ քաղաքի շուրջը գործողությունները սկսելուց հետո ԴԱԻՇ-ի դեմ մենք իրականացրել ենք 292 հարված: Մենք իրականացրել ենք 52 օդային հարված վերջին 10 օրվա ընթացքում: Այդ հարվածները սպանել են հարյուրավոր զինյալների, ոչնչացրել են ականանետային դիրքերը, ավտոմեքենաների վրայի հակաօդային զենքը, պայթուցիչի արտադրության օբյեկտներ, ծանր հրետանի և նույնիսկ դիպուկահարների դիրքեր»,- ասել է Ուորենը: