«Տղամարդ և կին» 8 մետրանոց շարժական քանդակի հեղինակը վրացուհի քանդակագործ Թամարա Կվեսիթաձեն է: Այն տեղադրված է Բաթումի ծովափին և խորհրդանշում է մահմեդական Ալիին և Վրաստանի արքայադուստր Նինոյին՝ ըստ ադրբեջանցի գրող Կուրբան Սաիդի հայտնի նովելի (գրված 1937 թվականին): Ողբերգական պատմությունը ավարտվում է խորհրդային Ռուսաստանի ներխուժման հետևանքով սիրահարների բաժանմամբ՝ հայտնում է boredpanda.com-ը:
Արձանները սկսում են շարժվել ամեն օր երեկոյան ժամը 7-ին, մոտենում են միմյանց, միաձուլվում կարճ գրկախառնությամբ, ապա հեռանում իրարից: 10 րոպեում շարժումը ավարտվում է:
Արձանը տեղադրվել է 2010 թվականին: Հետագայում այն կոչվել է «Ալի և Նինո»: Այսօր քչերը գիտեն այդ պատմությունը: Համենայնդեպս, այդ հզոր սիրո պատմությունը թարգմանվել է ավելի քան 30 լեզուներով:
