Եվրամիության պարենային անվտանգության հարցերով գերատեսչությունը (EFSA) հաշվետվություն է հրապարակել սննդի մեջ միջատների օգտագործման վտանգների և հեռանկարների վերաբերյալ: Այս մասին գրում է BBC-ն:
Մեր մոլորակում մոտ 2 մլրդ մարդ կանոնավոր կերպով ուտում է միջատներ՝ ասվում է հաշվետվությունում:
ԵՄ մասնագետները պնդում են, որ ուտելի միջատները Երկրի վրա աճող բնակչության համար կարող են դառնալ բարձրորակ սպիտակուցների, ճարպերի, վիտամինների և այլ օգտակար նյութերի կարևոր աղբյուր և օգտագործվել ինչպես բնակչության սննդակարգում, այնպես էլ որպես կեր կենդանիների համար: Սակայն մարդկանց համար վտանգավոր է այն, թե ինչպիսի քիմիկատներ կօգտագործեն դրանց բուծման համար:
Չնայած տարբեր երկրներում սննդի մեջ օգտագործում են միջատների մոտ 1900 տեսակներ, սակայն ԵՄ-ում պոտենցիալ պահանջարկ կարող են ունենալ դրանց միայն որոշ տեսակները՝ ճանճերը, մոծակի թրթուրները, ալյուրաորդերը, ծղրիդները և մորեխները:
Սննդի մեջ օգտագործելու համար ֆերմերների կողմից դրանց բուծումն արդյունավետ կլինի տնտեսության տեսանկյունից:
Երբ 2050-ին Երկրի բնակչությունը հասնի 9 մլրդ-ի, ըստ մասնագետների՝ միջատները սննդի լավ աղբյուր կարող են դառնալ: