Վաշինգտոնն ու Վարշավան համաձայնագիր են ստորագրել, որը որոշում է Լեհաստանի տարածքում ԱՄՆ առանց ծանր ռազմական տեխնիկայի ապագա տեղաբաշխվածությունը, հաղորդում է RIA Novosti-ն:
Համաձայնագիրը կնքվել է Լեհաստանի կառավարության և ԱՄՆ-ի կառավարության միջև:
«Լեհական կողմն օգտագործման համար տարածքներ և օբյեկտներ է հատկացրել` Լասկայում ավիաբազան, Դրավսկ-Պոմորսկում Ցամաքային զորքերի ուսուցման կենտրոնը, Սկվեժինայում, Չեխանովայում և Խոշչնում ռազմական համալիրները»,- հայտնել է Լեհաստանի ազգային պաշտպանության մամլո քարտուղար Յացեկ Սոնտան:
Ստորագրված համաձայնագիրը Լեհաստանի տարածքում ԱՄՆ զինված ուժերի կարգավիճակի մասին պայմանագրի իրականացումն է, և հատկացնում է «ամերիկյան բանակին օբյեկտներ ու տարածքներ, որոնք կծառայեն ընդհանուր պաշտպանական նպատակների իրականացման համար»:
«Համաձայնագիրն ամերիկյան կողմին թույլ կտա իր բյուջեից միջոցներ հատկացնել անհրաժեշտ ենթակառույցների զարգացման համար, որոնք ԱՄՆ զինված ուժերին Լեհաստանի տարածքում լինելու հնարավորություն կտան: Այդ ներկայությունը կարող է արտահայտվել զինվորների տեղակայմամբ և զինամթերքի, գույքի և նյութերի պահեստավորմամբ»,- նշել է Սոնտան: