ԴԱԻՇ (Իրաքի և Շամի իսլամական պետություն) ահաբեկչական խմբավորմանը հարելու համար ԱՄՆ-ից Սիրիա մեկնողների շարքում գերակշռում են երիտասարդ տղաներն ու աղջիկները: Այս մասին հինգշաբթի օրը Կոնգրեսում հայտարարել է Հետաքննությունների դաշնային բյուրոյի (FBI) տնօրեն Ջեյմս Քոմին, գրում է RIA Novosti-ն:
«Նրանք երեխաներ և հասուն տարիքով անձինք են, ովքեր կյանքի իմաստ են փնտրում»,- ասել է նա` պատասխանելով այն հարցին, թե ինչպիսի՞ տարիքային խմբեր են Սիրիա մեկնում` 18-63 տարեկան:
«Մենք կարող ենք մեծ վստահությամբ նշել, որ նրանք ավելի երիտասարդ են դառնում, և նրանց շարքում շատ են աղջիկները: Աղջիկներ ասելով` ես նկատի ունեմ 18 տարեկանից ցածր կանանց, ովքեր արձագանքում են սոցկայքերում ազդանշաններին»,- ասել է Քոմին:
