Սիրիայում որևէ ռուսական ցամաքային զորք և ցամաքային գործողություն լինել չի կարող՝ հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան։ Այս մասին հայտնում է RIA Novosti-ն։
«Որևէ ցամաքային գործողություն, որևէ զորք ցամաքում չկա և չի կարող լինել։ Այս մասին ռուսական ղեկավարությունը հայտարարել է միանշանակ»,- ասել է նա ճեպազրույցի ժամանակ։
Սեպտեմբերի 30-ից Ռուսաստանը Բաշար Ասադի հայցով սկսել է կետային ավիահարվածներ հասցնել Սիրիայում ԴԱԻՇ-ի օբյեկտներին։ Թիրախներն ընտրվում են Ռուսաստանի և Սիրիայի հետախուզական տվյալների հիման վրա։
Ռուս զինվորականները հարվածներ են հասցնում ահաբեկիչներին միայն այն ժամանակ, երբ 100 տոկոսով վստահ են, որ թիրախին կդիպչեն`մի շարք երկրների ռազմական կցորդների հետ հանդիպումից հետո լրագրողներին ասել է ՌԴ պաշտպանության փոխնախարար Անատոլի Անտոնովը։ Նրա խոսքով՝ վերջին շրջանում ավելի ու ավելի հաճախ են հայտարարում, որ ռուսական ինքնաթիռները հարվածում են ոչ այն թիրախներին, որոնց անհրաժեշտ է։
