Թուրքական Anadolu լրատվական գործակալության փոխանցմամբ՝ սեպտեմբերի 4-5-ը Անկարայում անցկացվելու է G20-ի երկրների ֆինանսների նախարարների ու Կենտրոնական բանկերի ղեկավարների հանդիպումը։ Այն անցկացվում է G20-ում Թուրքիայի նախագահության շրջանակներում։
Հանդիպմանը կմասնակցեն նաև միջազգային տարբեր կառույցների ղեկավարներ ու բարձրաստիճան ներկայացուցիչներ։ Մասնակիցները համալիր գնահատական կտան ֆինանսական շուկաների վիճակին, ինչպես նաև առաջարկներ կներկայացնեն՝ ուղղված տնտեսական ճգնաժամի դեմ պայքարին։ Այդ ամենը տեղ է գտնելու ամփոփիչ համաձայնագրում, որը G20-ի առաջնորդների կողմից կստորագրվի նոյեմբերին՝ Անթալիայում։
Հիշեցնենք, որ Թուրքիան G20-ում նախագահում է նախորդ տարվա դեկտեմբերի 1-ից։ Ավելի վաղ թուրքական մամուլը գրել էր, որ Թուրքիան տնտեսական խնդիրների պատճառով հայտնվել է G20-ից դուրս մնալու վտանգի տակ։